ეტაპი 1
დონორული ზონის დაგეგმვა
ქირურგი ზომავს დონორულ ზონაში თმის სიმჭიდროვეს და აფასებს თავის კანის მოძრაობის თავისუფლებას, რათა განსაზღვროს, რა სიგანის ზოლის აღება და ჭრილობის დაჭიმვის გარეშე დახურვაა შესაძლებელი.
თმის გადანერგვა Strip (FUT) მეთოდით
მოკლედ მეთოდის შესახებ
Strip-ის – რომელსაც FUT-საც უწოდებენ – დროს დონორული ზონიდან იღებენ თავის კანის თხელ ზოლს და მისგან ცალკეულ გრაფტებს გამოყოფენ. პროცედურა იგეგმება დონორული ზოლის სიგრძისა და სიგანის მიხედვით და არა გრაფტების დაპირებული რაოდენობით. გრაფტების საბოლოო რაოდენობა მათი გამოყოფის შემდეგ აღირიცხება. რჩება წვრილი ხაზოვანი ნაწიბური, რომელსაც დაახლოებით ერთი სანტიმეტრის სიგრძის თმა ფარავს.
ჩვენი კლინიკის ძირითადი მეთოდი FUE-ია. Strip გამართლებულია შემთხვევათა მცირე ნაწილში – ჩვეულებრივ, თმის ცვენის შორს წასულ შემთხვევებში, როცა თმით მთელი თავის კანის დაფარვაა საჭირო და დონორულ ზონაში თმის სიმჭიდროვე ამისთვის საკმარისია. ასეთ სიტუაციაში Strip იმას აკეთებს, რაც FUE-ს არ შეუძლია, და გვირჩევნია ეს პირდაპირ გითხრათ, ვიდრე იმავე თანხაში ორი უფრო მცირე მოცულობის პროცედურა ჩავატაროთ.
Strip მოკლედ
პროცედურის ხანგრძლივობა4–6 საათი
ანესთეზიაადგილობრივი
დაგეგმვის საფუძველიდონორული ზოლის სიგრძე და სიგანე
ნაწიბურიწვრილი ხაზოვანი ნაწიბური დონორულ ზონაში
სამსახურში დაბრუნება7–10 დღე
სრული შედეგი12 თვე
როგორ ტარდება Strip მეთოდით გადანერგვა
ეტაპი 2
ზოლის აღება და ჭრილობის დახურვა
თხელ ზოლს იღებენ ადგილობრივი ანესთეზიით, კიდეებს კი წვრილი ნაკერებით აერთებენ ისე, რომ მიღებული ნაწიბურის ხაზი რაც შეიძლება ვიწრო იყოს.
ეტაპი 3
გრაფტების გამოყოფა
ზოლს გადიდების ქვეშ ცალკეულ ფოლიკულურ ერთეულებად ყოფენ და თმის ღერების რაოდენობის მიხედვით ახარისხებენ – სწორედ ამ ეტაპზე დგინდება, რამდენი გადასანერგად ვარგისი გრაფტი მიიღება აღებული ზოლიდან.
ეტაპი 4
იმპლანტაცია
გრაფტებს ნერგავენ თქვენი არსებული თმის ბუნებრივი კუთხის, ზრდის მიმართულებისა და სიმჭიდროვის დაცვით, ზუსტად ისე, როგორც FUE პროცედურის დროს.
შეგეფერებათ თუ არა Strip?
პაციენტთა უმრავლესობისთვის პასუხია – არა, და ამას პირდაპირ გეტყვით. როცა პასუხი დადებითია, ეს, როგორც წესი, აშკარაა.
- თმის ცვენის შორს წასული შემთხვევები, როცა ერთ სესიაზე გრაფტების მაქსიმალური რაოდენობაა საჭირო
- დონორული ზონა, სადაც თმის სიმჭიდროვე მაღალია, ფართობი კი – შეზღუდული
- პაციენტები, რომლებიც თმას საკმარის სიგრძეზე იტოვებენ დონორული ნაწიბურის ხაზის დასაფარად
- ისინი, ვისაც კეფაზე ძალიან მოკლე თმის ტარება სურს
- პაციენტები, რომელთა შემთხვევაშიც FUE არანაკლებ ეფექტურია – ასეთია პაციენტების უმრავლესობა
კითხვები და პასუხები Strip-ის შესახებ
რა განსხვავებაა FUE და Strip (FUT) მეთოდებს შორის?
FUE-ის დროს ფოლიკულურ ერთეულებს სათითაოდ იღებენ პატარა წრიული საჭრელი ინსტრუმენტებით – პანჩებით, რაც წერტილოვან კვალს ტოვებს. Strip-ის დროს დონორული ზონიდან იღებენ თავის კანის თხელ ზოლს, მისგან გადიდების ქვეშ გამოყოფენ გრაფტებს, ჭრილობის კიდეებს კი ნაკერებით აერთებენ. Strip ერთ სესიაზე მეტ გრაფტს იძლევა; FUE ხაზოვან ნაწიბურს არ ტოვებს. ორივე მეთოდით ერთი და იგივე ფოლიკულები მიმღები ზონის ერთსა და იმავე უბნებში ინერგება.
რამდენად შესამჩნევია Strip-ის ნაწიბური?
ეს წვრილი ხაზია, რომელსაც დაახლოებით 1 სმ ან უფრო გრძელი თმა ფარავს. კეფის გადაპარსვისას ის შესამჩნევი ხდება. ჭრილობის დახურვის ტექნიკა გავლენას ახდენს იმაზე, თუ რამდენად წვრილი დარჩება ნაწიბური, მაგრამ ხაზოვან ნაწიბურს ვერცერთი ტექნიკა ვერ აქრობს – ვინც საპირისპიროს გეუბნებათ, გადაჭარბებულ დაპირებას გაძლევთ.
რატომ იყენებთ FUE-ს ძირითად მეთოდად?
რადგან უმეტეს შემთხვევაში ის ამოცანას ისეთივე წარმატებით ან უკეთ აგვარებს ხაზოვანი ნაწიბურის გარეშე და მომავალი პროცედურებისთვის მეტ შესაძლებლობას ტოვებს. Strip-ს ვიყენებთ მაშინ, როცა ამას კონკრეტული შემთხვევა მოითხოვს – ძირითადად, როცა პაციენტს ერთ სესიაზე ძალიან ბევრი გრაფტი სჭირდება – და არა როგორც სტანდარტულ არჩევანს.
შეიძლება Strip-ისა და FUE-ის კომბინირება?
დიახ. თმის ფართომასშტაბიანი ცვენისას დონორული ზოლის აღებისა და უფრო ფართო დონორული ზონიდან FUE-ით გრაფტების ამოღების კომბინაცია ერთ დღეში გრაფტების მაქსიმალური საერთო რაოდენობის მიღების საშუალებას იძლევა. თქვენი ქირურგი გეტყვით, მიეკუთვნება თუ არა თქვენი შემთხვევა ამ ჯგუფს.
შეიძლება ადრე Strip მეთოდით ჩატარებული გადანერგვის შემდეგ დარჩენილი ნაწიბურის გაუმჯობესება?
ხშირად – დიახ. FUE-ით მიღებული გრაფტები შეიძლება უშუალოდ ნაწიბუროვან ქსოვილში გადაინერგოს ხაზის შესანიღბად, ზოგიერთ შემთხვევაში კი შესაძლებელია ნაწიბურის ქირურგიული კორექცია. ეს ჩვენს მაკორექტირებელ მკურნალობაში შედის.